Patay na si Hesus (2016)

Director: Victor Villanueva

Writer: Fatrick Tabada

T-Rex Productions

Courtesy of interaksyon.com

Biased na kung biased, pero sa pipila ka Bisdak nga salida nga akong nahimamat, feel jud nako nay something sa Bisdak humor. Na'y piti or pagkabundak nga di nako ma-explain. Very je ne sais quoi (kabaw ko unsa na, ay lang ko pabasaha). Mao ni ang klaseng humor nga akong nakit-an sa Iskalawags ni Keith Deligero, Soap Opera ni Remton Zuasola, ug Miss Bulalacao ni Ara Chawdhury, ug karon, sa Patay na si Hesus. 

Storya kini sa usa ka pamilya nga nag-landtrip padung Dumaguete aron motambong sa haya sa namatay nga si Hesus, ang ex-bana ni Iyay (The Ultimate Idol Jacklyn Jose), ug aps (papa for you) sa managsuon nga sila si Hubert (Vincent Viado), Jude (Chai Fonacier), ug Jay (Melde Montañez). Ug tuod, nay mga panghitabo ug drama sa ilang paglawig. Little Miss Sunshine set sa habagatang Sugbo ug timpla sa lechon Carcar ug torta sa Argao. 

Makasinati ka sa pag-pangga ug pag-respetar sa ilang mga characters. Naay scene nga gipakita nga nagsayaw lang si Hubert, nga nay Down syndrome ug di nako malikayan nga ikumpara ni sa favorite scene nako sa Little Miss Sunshine. Pwede jud mamahimong bugal-bugal ang maong scenes pero sa duha, nasinati nimo ang ilang pagka-putli and you can't help the swelling of love and pride for these characters. Si Jude, usa ka transman, matter of factly nga gidawat sa iyang pamilya. Pwede tulisukon sa iyang questionable life decisions pero dili ang iyang pagkataw. Ang legal nga asawa nga si Iyay, nga pwede jud kaayo manghasi sa bag-ong kapuyo ni Hesus nga si Linda, mas nagpatigbabaw iyang pagkamanggihatagon ug pagsabot. Sa usa ka scene diin nag-open up si Linda sa iyang pag-inusara nga nay gagmayng mga bata, ang seasoned ug been-there-done-that nga si Iyay kay magmadasigong nag-ingon nga "kaya na nimo". Single Mamas Sisterhood!

Very nachu ang chemistry sa mga artista. First time ko kita ni Viado ug Montañez sa salida pero na jud silay ikasukol kung paaktingay lang - murag di lang Cannes Best Actress ilang ka-trabaho. Chai Fonacier is the man (or the woman)! She can slay all of your bland favorites! Ug kung naman man mo'y masaway kang Jacklyn Jose, balik nalang mo kung nakasimhot na mo ani. 

Although nay pila ka jokes nga wa motugpa ug character choices nga murag simang ra kaayo (pero basig absurdist level na jud uroy ang point), dili lisud sabton nganong nadaog nila ang Audience Choice Award sa 2016 QCinema Film Festival. Irreverent, family-oriented, heart-felt, way sagol "Char!", matod pa ni Hubert. And for all the Little Miss Sunshine comparisons, I daresay, mas minatay ang climax sa Patay na si Hesus.  

PS: Daghang salamat kang Ma'am Francine sa Interaksyon Cinema Club para sa pag-abiba namo (paminaw namo big boss ni si Ma'am pero gipasulod jud japon mi niya bisan mura mi'g mga itoy ngadto sa ilang launching event). More power sa Interaksyon Cinema Club.